man, man, man... ie luu hiero zo bie mekaore... Wat geet d'r heer boet'n dee laotste daogies. Drieka mien vrouw is aal gain drai e doagies hen e boet'n e west. 't Is aal reeg'n, stormwind en mere onheils...

'T moar goud daat wee oes boerderaigien efkes noa hebben e loaten kieken deur Heymaans (joe luu wett'n wal dee groot'n oplichter mit dee bouwfraude). Moar jao, bee oes hebben zee 't keurig en netties e doan heur, kennen wi'j nait eets aans ven e zegg'n.

 

Oes olde boerderaigien, mit deurtrap e stalle ken noe nog wal e joaren bestaand e weez'n teeg'n dee guur'n elementen boeten. En, 't is dus moar e goud daat wee daat e doun hebben loaten, want, nogains ie luu: 't Geet d'r baistaochtig aof boet'n heur !

 

Geluks hebben wee dee eugst aal binn'. Wee hebben aal klaor veur dee winter, doar geet 'tja ok nait umme, moar Drieka en ikke woll'n ok wal ies efkes hen e boet'n... Moar jao, doar kump nog efkes nait ies eets ven. Noja, daan paffen ik nog moar 'ns 'n piepke en Drieka zit mit heur baiwarkien. 'n kupske koffie d'r bie, en daan redd'n wee oes jao ok wal.

Moar daat were e boet'n..., tsja ie luu daat is toch waal baar 'n beus heur !

Heuiii

 

Zo ie luu, waat Drieka enne mie an e geet: loat dee winter moar kommen heur. Op oes boorderigien hebben wee aal alles klaor doarveur. In oes keldertien ligge de eerpéls veur dee wintertied, Gereukt spek hangen bee oes an dee zolder heur. 'n Veursel he'w ok aal genog. En in oes deurtrapstallegie steet 'n veersien en leupt nog 'n wintervarkentien e roond.

 

Jao ie luu 't waas wal harre warken umme daat veur elkaonder te ekriegen, moar 't Drieka en mie were e lukt. Krelis, oes knechien deut mangs nog wal ies wat warkies die mangs neudig binne, moar wieters geet 't hiero aal goud.

 

Noe jao, daat all wollen Drieka en ikke joeluu toch wal efkes geerne mit e deilen.

Heuiiii

 

Vremd, vremd, vremd... ie luu... Hebbe Drieka en ikke doar 'n tied e leed'n 'n aokkertien peuters e doan... kumt dee eerpéls jao hailemoal nait in bleuii ???

 

"Heij, wa e speut'n, Eerpélhààns ?", zee Drieka venmorg'n teeg'n mie... Ikke keuk'n heur an as oaf zee nait hailemoal goud e wurren e waas. "Mense", schrouw'n ikke heur tou: "E Speut'n, e speut'n... ie wetten toch e waal dat joen aigense Eerdéppelhààns altied speut'n e deut, of nait e daan ?".

 

D'r zoll'n waal ven die dikke vett'n Emailten oaf zoeets in dee groond e zitt'n, 'k wait nait.
Drieka wol aal henne e goan en d'r kunst e blommegies op e zett'n, daan goij as boer nait zo aof veur de luu, main zee. En dee gewoon' burgerluu snapp'n d'r toch nait eets e ven, dacht e zee...
Noja, den vrett'n wee moar n'joartien wat e minder eerpéls. Eerdéppelhààns hef aal nog wal 'n veurroadtien arg'ns in 'n keldertien heur... Dus haile e maol zunder kump wee nait te zitten... Ken ok nait waant zeg ie luu noe ains e zelluf: "Waat is 'n booer noe zunder eerpéls ?

 

Heuuuiii

 

Heuuii ie luu hiero zo bie mekaore.
'k Wol joeluu efkes mit e deil'n  dat Drieka en ikke an't peut'n e goat ankommende zaoterdoag. Jao ieluu, den is't aal were épril heur. Dé maond umme ains flink in dee groond tekere te goan. Wee hebben nog wal, toch nog wal 'n bettien poters euver e hol'n, zodarre wee 'ns flink tekere e goan e kunt heur.

Tsjao, 'n mense mut toch ok ies waat te vrett'n e hold'n hé ? As wee nait oet peut'n e goat ? daan hew' jao gainains waat tuffels te vrett'n immers venoaf 't naojoar. Stel joeluu ies veur dat dr gain eerpéls mere te e kriegen bint in joen suupermaorkties... ? Daan brek de Hel toch e los bie joeluu, of nait den ? Waarmit ik moar an e geff'n e wil daat 't nog zo gek nait is waat Drieka en ikke goat doun 't aankummende weekend heur.

Nou, ieluu binnen weer up dee heugte vaan 'n stukkien ven oes doun en loaten...,
Heuiii

't Is meert e wurren, ie luu hiero all bie mekaore.
Jao, ik wett'n  't wal: veur dee geweunlieke staadse mensen, is daat nait veul biezunders. Moar veur 'n boer ligge daat toch wal ies efkes aans heur, daat ken ik joeluu waal e zegg'n.

'k Hebbe venmorg'n dee poters (dee 'w nog euver e hebb'n) ies efkes bekeek'n. Jao jongs, dee mott'n d'r voolgn'de weke moar ies netties in e poot e wurren. Oes peerd Bles & mien wief Drieka binnen doar all hail klaor e veur. Oes aakkertien lig d'r ok aal goud bie, dus, doar ken 't jao ok aal wal umme.

Wieters, hek nog efkes oes kraantien e leez'n. Man, man, man... waat goat zee doar in were tekere euver dee crisis. Ie snapt nait daat darre nait straofboare is. Mensen wurren veur minder vereurdailt heur, daat ken ik joa waal e zegg'n. Ok Drieka is daat reur'nd mit Eerdéppelhaans ains.

Nou, daat was't were veur noe, 'k mot zo oes greuntetuuntien aal umme spitten, dus ik griepe de batse en goa henne heur,
heuiii

Heuii, ie luu hiero zo bie mekaore.
Drieka zee venmorg'n 'ns teegn mie: "Erpelhààns... kunnen wee nait 'ns noar dee poters e kiek'n dee wee in de schure op e slaog'n hebben ?"

Tsjao ie luu, ik snappen d'r nait veul e ven, waant dee snije lig jao nog bie oes op dee akkers... ?!
"Nee", zee ik vastbesloat'n: "Drieka, 'n moand e waocht'n liekt mije wal gloepens verstaandiger tou heur".  Maor jao ie luu, as rieka e waat in her koppe hef e zet ? Nou, daan kriegt joe luu- en ikke, daat d'r zo moar nait oet heur. Zee aantwoord'n mie: "Jao, Erpelhààns, daat ken wal zo e weezn, moar verleed'n joar kwaam dat zwien ven oes buurmaan juust in dee winter aal bie oes pootgoud. Hee hef de helluft toon wal bienao op e vreet'n."

Jao e luu doar hef Drieka wal ain punt. Dat verrekte varken ven mien buurman, Nelis, hef oes waat te e knei'n e maokt heur. "Moar Drieka, dat gaat in dee aochterwaand ven oes schuurgien, woar hee deur e kreup, hebben ik toch mit wat mit dardehaandsplankies dicht e timmert ?"
Drieka keke mie an en zee: "Doar zeggen ie mie juust waat, woardeur ik denke daat wee toch es efkes e kiek'n e mut. Ie en plaankies timmer'n ? Och keerl, daat gef mie jao allainigs aal reed'n tot ongerusthied. Loa'w moar raps ies kiek'n e goan"

No ja ie luu, nait allainig commentare op mien timmer'n, moar ok direct d'r op aof heur.
Moar goud, ik bun de kwaoiste nait en as Drieka geliek hef... dan keg zee 't ok ven mie.
Wee saampies op de schure aof. En jao ie luu, 'k mot tou e gee'm: Drieka hadde 'n punt.
Binnen e kommen zaag'n wie inderdoad 't verken ven Nelis flink an't vrett'n in oes pootgoud. D'r was nog moar zellufs 'n kwart ven euver. En 't gaat warre ik e dicht e moakt hadde was hail e moal; were kapot e maokt deur dat zwien.

'k Zel joe noe aal dee details bespoar'n ie luu, moar ik zegge joe: wee hebt noe 't gat beters dicht e moakt... en... vlais genog te dreug'n in oes keldertien.... 'n mooi'n compensaotien veur 'n waorschienlijk krap eerpeljoar veur oes. Moar goud... daat muj nait an Nelis e zegg'n heur, die noe aal daog'n lang inains noar zien zwientien e zug...
Heuiii

Heuii ieluu hiero zoaal bie mekaore,
Venaomd zit ik efkes allainigs thoes. Daat wil e zeg'n, Drieka, mien wief hef d'r kuiere laatties e nommen veur 'n karstdainst. Noe ie luu, doar hebbe ik 't nait zo op. Verlaiden joar bin ik ies mit e west. Ie kunn' jao nait aal nee verkeup'n teeg'n oe wief, of nait den ?
Maan, maan, maan... waat waas daat 'n bezuuking. 'k kriege nog aal kolde rillings, dee mi'je daan euver de rogge e leup'n as ik doar nog an denke. 'n Gewaldige keerl as deuminai op de praikstoule. Stoon' mie door noar 't karkvolke toch te e beuln teegn oes, op 'n manaire daat zellufs oes Klazaina Dartien d'r nait teeg'n op e kunn', daat ken ik joeluu wal vertell'n. En moar deur schrouw'n daat wee aal zundig waar'n en de karsttied noe ies meuii d'r tied waas umme doar 'n s euver nao te danken. Enzowieters, enzowieters...'k worre d'r komplait nait goud e ven.

Nee ie luu, toon Drieka d'r noe were mit an e kwaam en mie were mit hebben wol (ok aal was't noe naor 'n aandre kakrke en deuminai)  hek gewone zeggen doon dat d'r nait veul aordigheids an hadde, en nog ainige dingies... "Noe jao", zee Drieka toon, daan mot 'k d'r moar mit oes knecht Krelis noar e tou. Ik vunnen 't best. 'k Zee nog wal efkes teeg'n de vrouwe: "Kiek d'r daan gelieks ies efkes of Krelis veul in't collectenzakkie e deut. Dan heuft wi'j hum misschain gain leunsverhoging te gee'm in 2009".
Jao ie luu, ondaanks aal dit is dr wal 'n crisais, of nait den ?
Heuiii

Heuii ie luu hiero zo vraidig bie mekaore...
Jao ie luu, venmorg'ns  an mien bakkien e leut vrog Drieka mie inains: "zeggus Eerpélhaans... zol'n  ie'je nait ns op stap e goan veur 'n karstbeumske ?".  Jao ie luu, 'k morre tou e gee'm, 't is d'r wal were dr tied dr veur heur, zowied hef Drieka wal gelieks. Moar jao, waat kossen zo'n beumske daan ok wal nait teeg'n weurdigs ? "Moakt mie nait oet waat 't kosten mot Eerpélhaans, 'k wil 'n beumke !". Tsjao ie luu, as dr vrouwe daat in d'r koppe hef e zitt'n, daan kriegt i'je daat dr nait aal zo inains moar oet heur. Drieka wil 'n beumske.., nou, daan hellupt dr'nait veul mere an en mot ik moar 'ns op stappe.

Wal, ik mit de boer'nwaogen aocht'r oes peerd Bles. Moar jao, in 't deurpie anne e kommen bleek mie aal snel daat dee beumskes allergriezelugs dure e waar'n. eerdéppelhaans is toch nait ven plaan umme zo'n 20 Eurogies veur 'n beumske neer te tell'n ie luu. Den kenn joe mie nog nait. 20 Euro veur 'n beumske... daat is ja zo'n 45 Guldens ? Doar begunne ik nait an.

Op de terugwegge kwam ik mit Bles deur 'n klein bossien bie oes boorderaigien. Doar hebbe ik moar 'n klein sparregien dee groond oet e rukt. Op de waag'n e smeet'n enne op hoes an.
Nou ie luu drieka was d'r toch wal slim wies mit heur. Hee steet noe aal in de kaomer mit lichies en aal aandre rommel dr in.
Nou ja, mok 'em wal were efkes terug e plaotsen na dee karst natuurlieks, maor daat zel wal goan heur !

nou ie luu, baste kerste daog'n e wenst heur ven joen aigense Eerdéppelhaans en Drieka.
heuiii

Heuii ie luu hiero zo aal bie mekaore...
Jao, ie luu, ik mos oe nait e zegg'n daat' aal weer December is. Up oes boorderaigien hebben wi'j't  aal goud veur mekaander heur. 'n Bulte braanhol in de schure veur oes kacheltien, en 'n bulte e heui veur oes Klazaina Dartien. Dee kelder hebben wi'j e vol e ligg'n mit aigense piepers, en 'n paore gerookte stukkies spek hang' bie oes an d'r zolder. Nou ie luu, waat willen wi'j  daan nog wieders... ? Loat noe deen winter maor e kommen heur, wi'j bint d'r klaor e veur.

Drieka, mien wief hef aal blaum in hoes e haolt en wi'j hebt ok genog e gist, eiergies en aal waat meer neudig is, zoas eulie umme eulliebollegies te goan e bakk'n mit oldejoarsdag. En misschain wett'n ie luu 't nait, moar euliebollegies..., doar binnen wi'j gek op heur. Drieka hef daan ok 'n groot'n veurraod e haolt ven't spul waat neudig is umme zee te maoken.

An ain ding hebt wi'j achter wal 'n gloepense haikel: Aal daat volk langs de weg daat mit daat stinkende vierwark leup te knall'n. Blunder en dekseldaggien, doar mutt'n 'wi'j toch hiel en goar niks en niemendaal waat ven e hebben heur. kun dee luu in Den Haag doar nou ies nait e waat an doon ?

Wieters wensen Drieka en joen aigense eerdéppelhaans ie luu 'n gooi'n feestmaond e too en 'n gelukkigs ni'jjoar heur.
Heuiii

Heuii ie luu hier zo aal gezelligs bie mekaore... Hier is joen aigens Eerdéppelhaans were heur.
Man, man, man... ie luu, hebben ie luu daat mang ok wal ies ? Dat joeluu so onmeunig e baol'n ven't geschrouw ven joen partner ?
Venmorg'n ging 't aal heer bie mien wief: Drieka. Zee was natuurlieks mit heur verkairde bene 't berresteegien oet e rolt. Schrouw'n as 'n maoger spainverken dee zee teeg'n mie venmorg'n. Man, man, man... 'k wurre dr biena nait e goud e ven, dat ken joe luu begriepen, of nait den ?
Gelieks begunn' ok de Klazaina Dartien te beul'n op de deurtrapstalle daat'n lust was heur... 'k Hadde het d'r moar drok e mit venmorgen.
Moar noe jao, ie luu wett'n wal hou as't geet he... Nao 'n bakkien troost wurre de vrouwe al wat minder grammieterig in de koppe en de Klazaina Dartien heul zich de koppe ok aal stille te beul'n.
Moar jao, daat stadium bereikt'n ik e pas umme alf ure venmorg'n... No ja, elk en aine daag zel wal nait 't zulfde e weez'n, toch ? 
Heuiii 

Drieka, mien vrouwe is d'r aordig lange veur op e blee'm. Moar toon wussen zee 't ok wal: "Eerpélhààns", schrouw'n zee mee in't midden ven de nacht e tou: "Wett'n ie 't all ? Obama heft 't um toch moar efkes e lapt heur !".
Jao beste luu, doar liggen ie daan in joen bedde, umdat ik d'r nogaal vrog oet e mutten veur oes Klazaina Dartien, dee e molken e mut e wurren hé ?! En daan, en daa... heur ie joen aigense wief schrouw'n in de nacht asof zee op de vismarkte e steet... 'k Zeg joe luu: daat is nait zo hail prettig heur...
Enne a'k  dr  daan toch efkes op in e mut e goan: "Waat zull'n wee hiero as ainvoudige eerdéppelboere noe e marken e goan hier op 't plaottelaand ven 't Heuge Oostelijk Neurd'n ven Nederlaand ven Obama ? Nait veule toch ?" Dus woar maoken dee vrouwe zuchzellufs aigenlieks ok zo drok euver ?
Heuiiii

Man, man, man... Venmorgen las Drieka mee nog ies veur oet oes ochtendkraantien. "Érpélhààns", schrouw'n zee mee tou: "Mutten ie nou ies luustren: Léze ik mie doar daat d'r kloarbliekelieks nog veule jongeluu e binne, veural in dee steed'n, dee nait an't wark e wilt. Zee wilt wal 'n oet e keering up e strieken, moar doar waat veur e doun, ho moar ?"

Ik gung d'r zellufs efkes recht oppe veur in mien aigense stoul e zitt'n en meen: "Ie zóll'n dee luu toch ok hé, Drieka. Dat vret moar oet oes ruuf en deut gain duvel of e dood. Man, man, man... 't is toch aigenlieks ok wal ten hemel schreiend heur. Woar mut daat hen e mit oes laand ?"
Drieka wurre aal wilder toun zee wieters las. k Hebbe op 'n moment zellufs heur dee kraante moar oet haand'n  mutten trekken. Zee was zeug zelluf aal nait mere, zo woost was zee op dee jongluu, dee nait an't wark e wollen, moar dus wal dee oetkeerings op e strieken woll'n.
"'k Zol zee zo an't gierputte schoun e maoken zett'n", brull'n zee as'n jong veersien in een deurtrapstalle.

'k Binne moar gouw efkes noar oes Klazaina Dartien hen e leupen, waant mit drieka is zo jao toch gain laand te bezaoil'n. Daat mut aal efkes zeen tied e hebb'n heur jongs. Jao, euver dee oetkeeringstrakkers ken zee heur aigen aal flink op e winn' heur. 'k Zitte d'r nog euver nao te denk'n of ik dee kraante moar nait op e zegg'n e mut, waant dat kump jao toch nait goud zo !
Heuiii

Heuii ie luu,
Man, man, man... wat 't geet d'r weer of bie joe luu, mit beursies, Fortis en wieders aal zuks.
Drieka en ikke kiekt 't aal laochend anne heur. Wee mutten jao ok nait waat e hebb'n ven aal dat gedou mit zuks. Drieka en ikke hebbe oes geld goud verstopt in 'n groot'n iezren kiste argens verstopt op oes boerderaigien. Veiligheedshal'm hebben wee't aal in gold umme e zet, waant daan he'j ok gain laast as zee weer 'ns teeg'n de wille vaan't volk... dee munteenheid weer umme goat zetten vaan Euro noar Guldens of aans e waat.

Breed uut laochend lézz'n wee oes kraantien mit aal joen ni'js doar inne euver 't geld enzo wieters. Ie luu doot moar. Oes kan't nait scheel'n. Bie oes gain crisis dus heur !
Heuii

"Eerpélhààns !", schrouw'n Drieka venmor'gn noar mie tou toon ik juust'em efkes baizig a waas mit oes Klazaina Dartien. "Mutten wee nait ies ain likkien varfe op diverse plaotsies smeer'n, jong ?", vrueg zie. Joa ie luu, en daan wett'n  ie 't waal. Ik, Eerdéppelhààns mut daat daan doon heur. Moar jao, 'k worre 'n daggien older hé ! De vrouwe dee begrip daat aal nooit zo. Moar op 'n leddertien e stoan ? Ku'j best vergett'n heur. Daat is aal nait e waat veur Eerdéppelhààns. Moar goud, ie will'n jao ok nait dadelieks trammelaant mit joen vrouwe, dus zeggen ik braof: "Joa, Drieka, doar ku'j best ies geliek an e hebben..., 'k zaal d'r zo daodelieks wal efkes noar e kiek'n, a'k  kloar e binne mit oes koegien". Man, man, man... ie luu. Doar hadde ik nou hail gain schik an hé. As 'd'r waat is waor ik 'n enorme hekel an hebbe, nou ie luu, daan is't wal varf'n heur. Moar joa, waat mussen ik ?
Ik noar buut'n hen efkes laoter, en 't waas aal of Drieka doar op het zait'n te waocht'n. As 'n duveltien uut 'n deussien scheut zee ok naor boet'n hen toon zee mie daor zagg'n leup'n.
Ze wees mie aal plekkies an woar de tied, weer, reeg'n en zo wieters hunne speur'n up e aochter e loate'n hadden. Tsjao, ie luu, enne.. 'k mossen tou e gee'm. Up veule plaotsen was 't wal neudig daat d'r ies eets an gebeur'n ging. Moar 't leek mie nog aine hail klus umme te doon. En daan dee ledder op. How mus daat noe ?
"A'jt zullef nait doun wilt- of kunn'n ? Daan mo'j moar 'ns noar de durpsscheelder hen e goan, ie wett'n wal: Kaorel Kwastmoar", zee Drieka. "Ménse", schrouw'n ikke teeg'n heur... "Wett'n ie wal dat dee Kaorel Kwastmoar wal € 60 in't ure rék'n deut ? Nai Drieka, daat mutt'n wee den aans op e loss'n". Moar jao ie luu, how mus daat den.
Wee hebben d'r eerst moar 'ns 'n bakkien euver e doan. En toon, toon, toon... zaag'n wee allebei inains oes knecht Nelis euver 't arf kui'ren asof 't haile gedou ven 'um allainig was hiero. Drieka en ikke keek'n mekaander ies an, en wussen ven mekaore: wee hebb'n oies aigense Goudkeupe Kaorel Kwastmoar e vunden !
Heuiii

Heuii ie luu...
Joa jongs, noe mut ik joeluu toch ies waat vremds vertell'n heur. Venmorgen waar'n Drieka en ikke an't eerpél e rooi'n op oes akkertien. Inains 'n haard'n knal ie luu.., en doar begun' oes laand inains ven te trill'n jongs. Daat wil joe ie luu nait e wett'n. Wee schrukk'n oes 't leplazarus heur. Drieka begun' mie te jool'n as 'n olde meerkatte dee an't e spit e reeg'n e wurre. Maor goud, ik schruk d'r natuurlieks ok bast wal efkes, daat ken ik joeluu wal zegg'n heur. En woar kump daat aal noe vot dan hé ? Dat vroage ie joe daan toch wal ies aof heur.

Moar inains kump Drieka mit dee oplussing doarveur: "Ach ie Eerpélhààns !", zug zee teeg'n mie: "Ie hebb'n in oes blaadtien, (De Boer'nknol-bode) toch wal e leez'n  toch daat zee juit 'em venmorgen ain of aandre deeltiesversneller in goat e schaokelen argens in de Jura ? 't Geet jao ok moar umme aine Large Hadron Collider of zoeets...  Doar kump dee trilling'n vot natúúrlieks !"
Ik keke Drieka an of zee gek e wuuren e was.
 
"Mense !", schrouw'n ik heur tou: "Bin ie nait e goud e wurr'n ? Dee vleug zojuist aine olderwetse straoljaoger euver oes e henne, zo aine dee zee vrogger Starfighter nuum e deed'n of zo. Dee is gelieks boo'm oes eerpélakkertien weer ies deur dee luchtbarriëre hen e vleug'n. Daat was aal. Kiek, doar in dee verte, doar vluug e hen". Joa, Drieka zag 't noe ok. In de wiedste varte zaag'n wee dat vlaigiezer weer gloep'ns snelle dee wolkies in e scheurn.

Noe ja, wee doornoa moar were wieters mit 't eerpéls e rooi'n. Jao jongs daat e vlaig'n mucht zee ven oes wal verbaid'n heur. Doar kump nait waat gouds ven heur !
Heuiii

Heuii ie luu hiero zo aal bie mekaore.
Wett'n ie luu wal daat 'all wieders op 'n winter an e geet ? Jao, ik wett'n 't wal: 't is nog nait zo wied, moar ie kunnen joeluu dr moar efkes better op veurberieden heur. Zo hebben Drieka en ikke verlaiden weke aal parsevoer e maoken e doan veur oes Klazaina Dartien. Jao, jongs, waant assen ie zunder Parsevoer e zit ? Nou, daan 'k uj't goud vergett'n heur mit joen koegies. Of hebbe joeluu dee nait ?
Moar ok wieders hebben wi'j  aal oes veurberieden e doan heur. Jao ie luu, waat Drieka en ikke betruf: Loat dee winter moar e kummen heur. Wi'j heb't aal aal goud veur mekaore.
Heuiii

Heuii ie luu hiero zo bie mekaore. Hier is joen aigense Eerdéppelhààns weer efkes bie joen gooie kraante. jongs, jongs, jongs... waat wuure't léemm e duur heur. No jao, daat kunn' ieluu ok wal e wétt'n hé ?! De kraanties stoat d'r volle vaan. Ném noe allainigs moar 'ns dee supermaarkties. As ie dee verhaol'n heuren doot ? Daan riest joa gelieks aal haorties ten barge jao, toch ?
Laotst waar'n wee op verjoardigsvisiten bie Krelis, oes boer'nknechien (dee 't nait veul wieter e schuppen e zel in deez wereld, moar no ja, wee hebb'n doar wal oes gemak ven natuurlieks !). As joe luu daan dee verhaolties e heuren e doot van zien wief: Trientien..., man, man, man... doar wurre je aal hail nait goud e ven jao. Klaog'n 'n Schrouw'n as 'n maoger speenvarkentiens euver dee priezen doar. Noja, driek en ikke keek'n mekaander ies an. Wee kummen jao nooit in zo'n supermaarktien. Wee verbouw'n aal waat wee maint neudig te hebben jao zelluf op 't laandte. Oes Klazaina dartien gef oes wat melluk en zo wieters. 'n Wintervarkentien hebben wi'j aal in de schure, dus an vlais ontbrek oes ok nait. En boeten hebben wi'j wieters nog aine waoterpompe. Waat zollen wee daan doon in 'n supermaarktien ? Wi'j hebben jao aal waat wee wil'n ?!
Moar jao, 'n ainvoudig boer'nknechhiesgezinnegien hef daat aal nait, kuj begriepen ?! Moar goud, wi'j binne wieters de kwaodsten ok nait en toon drieka en ikke loaters op hoes an e liep'n besleut'n wee dat Krelis moar € 1.50 bie zain moandloontien óp mus e hebben. Hee warkt d'r ok haard zat veur, en wee goat d'r nait gelieks failliet deur. Waat zel hee bliede wee'n as ik hum daat moorg'nvrog um hallefzes, as e, so as gewoonlieks begunnen e mot bie oes, deurgef. Tsjao ieluu ie mutt'n mangs 't léemm ven dee aarmere luu toch waat draogeliekser e maoken heur !
Heuuiii

Heuii, ieluu hiero zo aal gezelli bie mekaore. Jao ieluu, daat is mie toch ok e waat heur. Vendaog dochten drieka en ikke ies an't heui'n e te goan. Jao jongs, as ie waat vee op de stalle hebben e stoan in dee wintertied (dee wee aal nait meer hebben zoveule, moar goud...) daan mutt'n ie toch wal waat te vrett'n e hebb'n heur veur die biesten. En heuii is doar miraokels goud e veur. Moar jao, daan mutt'n ie 't wal hebben natuurlieks. Dus ikke mit dee olde Bles (oes peerd) en dee waag'n d'r aochter 't laand op vendoag. Wee an't heui'n as wilden. Zaikers Drieka, mien wief ging as 'n tornaadogioen tekere mit heur heuivork. A'jt zaag'n blee'm ie wieselieks moar 'n enttien uut de buurte heur. 'n Mense zul d'r jao goud bange ven e wuuren. Moar goud, mit aal daat wark harre wee dee karre wal gloepens gauw e vol. Toon was't op de boerderi'je an hé jongs... tenmainste, daat daochten wee... Moar toon Bles dee waag'n keer'n wol brak ain dee wiel'n spontoan aof. Jao, underhold kosse noe ainmoal geeld jongs. En 'n achte boer gef zomaor nait geld uut hé ?! Daat hebbe wi'j wal ven oes olde luugies e leer'n e doan heur. Moar jao, noe zitt'n wee d'r wal e mit.
Pas morg'nvrog ken d'r 'n aander wiel op e kummen. En't geet venaacht reeg'n hebbe zee e zegt.
No ja, daan mutt'n wee straks d'r nog moar efkes henne um d'r 'n zeiltien euver henne te doon. Daat helupt mangs nog wal ies 'n bettien.
Jao jongs, 't lee'm ven 'n ainvoudige boer geet nait aal euver rooskies heur, as joe luu daat moar wett'n !
heuii

Heuiii ieluu hiero aal bie mekaore.
Ieluu zult wal weer e denken: "Man, man, man... doar he'j dee Eerdéppelhààns e were". Jao ieluu, 'k Wolle oe luu toch wal ies efkes e zegg'n e goan daat d'r veule luu binnen dee op't Voolkskraantwebloggien toch wal onmeunig veule an't ouwehoer'n e bint heur. Bie't Daagblaad ven't Neurd'n hebben zee aal dee meuglichheid aof e sleut'n  daat ieluu d'r nog op aarretiekels e reageer'n e kunt. Gelukkiegs is't hier nog nait zo e wied. Mut ok nait. Waor blef aans de vrijheid ven mainungsoetingen, of nait den ? Moar ik gef e joeluu wal 'n good advees um darre unmeunig ouwehoer'n toch moar 'n bettien minder te doon heur. Ik zegge aal moar, dee Voolkskraantredacteur'n en zo wieters... Jao ieluu, dat binne ok moar gewone luu... Denkt doar moar 'ns efkes an as ie were zo neudig maint eets te motten schrie'm  op joen Volkskraantwebloggien,
 Heuiii

Heuii ie luu hiero bie mekaore. Waat is't  were 'n weertien hé ie luu ? jaomer is't  daan wal daat d'r  were zoveukle unkruud op kump e zett'n in oes tuuntien. Mien vrouwe Drieka is d'r  were slim e drokke mit umme daat weg te haol'n. Doarbie kump jao ok nog daat deur 't weer ven de laotste daagies dee groon zo harre e wurren is daat as ie dr jao haost nait deur kummen en kenn' mit joen tuungeraidschep enzovots... Jao ie luu, moar doar wett joen aigense Eerdéppelhaans wal wat op heur, reek'n moar van yes.
Ie besprui'n joen tuuntien (het stukkien waor aal daat unkruud steet) mit 'n bettien waoter. Noe heur ik joeluu aal zegg'n of denk'n : "Joa moar Eerdéppelhaans... dat ken joe toch ok doun mit bestriedingmiddelgiens ?". Daat kuj inderdoad wal doun ie luu... as ie, as ie d'r  gain andere zaokies tussen hebt e stoan die ieluu behold'n e wilt. Daan ku'j daat wal e doun. Moar zit' t unkruud tussen spul daat ie wal behold'n e wilt ? Tsja, ieluu, daan mutt'n ieluu het toch moar mit 'n bettien waoter e doun heur. As ieluu daat stukkien mit unkruud dan goud nat e moakt hebben e doun, daan kun' ieluu het 'n uurtien laoter maokeliekers wied'n heur ! Natuurlieks speul'n dizze problaim' allainigs mit groond dee harre e wurren is deur sien seurt. Moar goud misschain binnen dr hiero toch wal luu die mit mien tippe heur veurdail mit kenn' doun, wel wait ?
Heuiii